العدسات اللاصقة و العناية بها

 

طبعا كل انواع العدسات العناية فيهن وحده أذا كانو ملونين واذا كانو طبيات مافي فرق

 

١_أهم شي نظافة اليدين قبل لمس العدسات اذا كنتو عم تاكلو او كنتو بالحمام او جايين من برا غسلو ايديكن وقت تلبسو العدسات و قبل ما تنزعوهن لسلامة العين من تهيج والاحمرار والباكتيريا ?

٢_خلي علبة العدسات دائما مليانة بمحلول العدسات ما تحطو شوي عبوها كلا خلي العدسة ضل رطبة ?

٣_حاولي ما تخربطي بوضع العدسة يعني اليمين لليمين ولشمال للشمال وخدي وضعية ان تتعودي على نزع طرف قبل طرف يعني انا بحب شيل العدسة اليسار قبل اليمين مو قاعدة بس هيا عادة مو اكتر ☺

٤_ دائما بعد ما تشيلي العدسات نضفيهن بشكل مستمر ،?

٥_ حطي كمية من المحلول ببطن أيدك وحطي العدسة بالمحلول الي بالايد وقلبيه يمين وشمال وغيري المحلول تبع العلبة و رجعي العدسة عليه مشان ترجع تطهر بمحلول جديد ?

٦_ غطي العلبة كتيررررر منيح لانو محلول العدسات متل الكحول بطير و بيختفي اذا شم الهوا لهيك خلي العلبة مقفولة منيح لحتى ما تنشف المي وتخرب العدسة ?

نصائح?
١_ بدلي علبة العدسات كل شهر مرة لانو علبة العدسات بتبلش تتأكل من جوا وبتخلي العدسة تغبش

٢_ بمجرد ما شعرتي بحرقان بالعين اثناء ارتداء العدسة معناها في شي غلط يا ايدك بتكون مو نضيفة وطبعا لازم ترجعي تغسلي ايدك وتغيري ماء العدسات او لابسه العدسة بطريقة غلط

٢_ اسبدال ماء العدسات بشكل يومي بكون افضل بس اذا كنتي حدا عملي وما عندك وقت بدلي يوم اي ويوم لا

٣_ اذا كنتي من نوع الي ما بيلبس العدسة الي بالمناسبات عبي علبة العدسة بالمي هي والغطا وحطي العدسة وقفلي منيح عليه ☺ وكل اسبوع او ٥ ايام لازم تبدلي الماء تبعه

ممنوعات ??

1. ممنوع تلبسي العدسة مع حدا تاني هاد شي كتيررر سيئ ومضر بالعين
2. ممنوع ضلي تلمسي العدسة وتمسحي عينك كل دقيقة وتانية هاد بيعمل تهيج واحمرار وممكن يشق العدسة
3. ممنوع تمسكي العدسة بالاضافير لأنها حساسة وممكن تنشق بالاصابع حصرااا وبشكل خفيف ما تشدي عليه
4. ممنوع تغسلي العدسة بماء الحنفية لانها كلا باكتيريا وفطريات و رح تئذي العين والعدسة
5. ممنوع تستخدمو العطر لتعقيم العدسة لاني شفت وحده مرة عم تقول اذا ما كان عندك ماء عدسات حطي من العطر لا هاد غلط وكتيررررر خطير لان العطر مركز اكتر من ماء العدسات وبخلي العدسة تهتري بسرعة وتخرب
6. ممنوع تتركي العدسة جنب شي ساخن او تتركيها بضو الشمس هاد شي كتيرررررررررر مضر للعدسة خلي العدسة بمكان عتم و يكون بارد
7. اذا كنتي من نوع الي بيلبس العدسات اكتر من ٨ ساعات لازم تشيلي العدسة بعد ٨ ساعات حد أقصى يعني و تحطيه بالماء عشر دقايق عالاقل و ترجعي تلبسيه لحتى تترطب وترجع تصير طرية
8. وهاد اهم شي اذا نشف المحلول عن العدسة تماما وصارت مخشبة كبوها ولاتفكرو ترجعو تعبو مي عليه وتقولو عادي
   هالا بتتصلح العدسة بس نشفت بتتقلص و ممكن تفكرو انها تعدلت بس رح تضرب شبكية العين او تعمل انحراف بالنظر انتبهو منيح وهاد كلام طبيب مختص
9.  ممنوع ثم ممنوع ضلو عم تحاولو تلبسو العدسات بالساعات اذا كنتي اول مرة بتلبسي فيها عدسات خلي حدا يحطلك هيا بنص عينك لتتعودي عليه
   وما ضلي تحاولي وترمشي و توقع وترجعث تشيليه وتحطيه هاد غلط اول شي بخلي العدسة تنشف تاني شي بخلي العدسة تتجرثم او تنشق

العدسة عم تحطوها بمكان كتيرررر حساس وهو العين كتيرررر ديرو بالكم عليه وكل ما اعتنيتو فيها اكتر ضلت محافظة على جماله ولمعة تبعه فترة أطول

 

طبعا في اختلاف بألوان المحلول وقت الشراء بس وهاد شي طبيعي لانو في عدسات سليكونية و في عدسات بتحتاج لماء لبروتين وهيا العدسة الي بكون الها حلقة يعني كونتور والون الاصفر مناسب الها اكتر

اما العدسات العادية الطبية او العدسة العاديو الملونة استعملو الها الاخضر الي بصورة انا بستعمل منو وكتير منيح للعين والعدسة

والاحمر للعيون الحساسة والمتهيجة

نفس العلبة هيا مطهر ومعقم وغسول للعدسة مافي داعي تشترو الف نوع ….
نوع واحد بكفي

رابط بوست حافظة العدسات : الرابط

ولشراء العدسات من أضغط : هنا