حامل !! ( هذا البوست ألك )

366 زيارة

نصائح للحوامل :

1 – من ضروري الحامل تنام ٨ ساعات يوميا اقل شي , ان كان بالليل او نومة الضهر ,

2 – ممنوع على حامل من بداية شهر سادس تنزل على الارض لتحمل شي تقيل

لانو بسبب الالم فظيعة بضهر و بزيد الالم الطلق اثناء ولادة لازم وقت تنزل لتجيب شي من الارض تنزل بشكل القرفصا .

3 – لازم الحامل تعرف ايمت لازم تبلش تشتري تياب الحوامل

مثال : مو من اول الحمل تركدو على مقاسات لكبيرة وتعجزو على بكير لشهر تالت من الحمل فيكن ضلو عم تلبسو تيابكن طبييعي
من بداية الشهر الخامس او السادس ضروري تلبسو تياب حوامل حتى لو البطن مو كتير كبيرة حركت البيبي بتتقيد بلبس الديق .

4 – ضروري جدا تبلشو لبس الاحذية بدون كعب من الشهر الرابع

5 – لا توقفي عن ممارسة الرياضة او المشي الخفيف كل فترة الحمل

لانو بخفف من الم الطلق بالولادة بشكل فظيييع وكل ما مشيتي اكتر كل ما حسيتي حالك خفيفة اكتر .

6 – الحامل فيها تاكل كلشيييييييييييي بدون ما يكون في محظورات عليه الا في حال كان في سكر الحمل

بهاد الوقت بصير في احتياطت من بعض الاطعمة وحمية ودكتورة هيا بتوصفة حسب نسبة السكر بس كلشي بأعتدال حلو .

7 – الجماع اثناء الحمل مو مضر متل ما بينصحو بعض الناس .

8 – ممكن تلاحظو اثناء الحمل بقع بالوش كلف او نمش او تصبغات

هاد بسبب زيادة فيتامين ب ٢ بالدم وبهيك حالة لازم تخففو من اكل الاشياء الي فيها بروتين متل (تفاح _المحار _البرتقال _اليمون _الفاصوليا _العدس) .

9 – ممكن يصير مع الحوامل زلال وزلال

هو ماء زايد تحت جلد مباشرة بيعمل تنفخ لجلد وتورم واسبابو الملح الزايد وبعد ما يروح زلال من جسم بسبب تورم الي كان موجود رح يصير تجاعيد بالوش
لتجنب تجاعيد كل يوم مسا نقطة فيتامين (E) وتدليك على وش ١٠ دقايق بخلي وش نضر و رطب .

من اهم الاشياء لازم الحامل تعتني فيهن هو الصدر

لازم تلبس الحامل تياب داخليه ترفع فيها صدر منيح ما تلبس من بداية الحمل داخليات تبع الارضاع

وبتبلش العناية في من شهر الخامس عن طريق تدليك الخفيف بالحمام بالصابون وكل يوم دهن زيت زيتون على حلامة بتفيد كتير من تشقق والالم اثناء رضاعة .