advertisement

أربع خلطات لنفشة و زيادة لمعان الشعر

أربع خلطات لنفشة وتنعيم و زيادة لمعان للشعر واهم شي بتمنع تقصف الشعر

الخلطات انا مجربتن عنجد عنجد هدول التوب عندي و كل اسبوع بستعمل وحده منن كلن ممتازين بس الي بالأفوكادو متل السحر تماما كأني عملت لشعري بروتين و أحلى

رح نبلش بأول خلطة و انا سبق وحكيت عنها و رح أرجع ضيفها للخلطات

الخلطة رقم (١)

منهرس حبة أفوكادو مع معلقتين زيت جوز الهند ومعلقة عسل و منحركن منيح منحطن على الشعر مدة ساعة ونص لساعتين و بعده عالحمام  ……

الخلطة رقم (٢)

منحط ٣ معالق زيت زيتون مع معلقة و نص عسل ومنحرك منيح ليصيرو متل الزبدة السايحة شكلن
ومنمسح فيها الشعر و منركز كتير على أطراف الشعر و منلف الشعر بكيس نايلون لتتفاعل الخلطة مدة ساعتين حاولو لا تزيدو ولا تنقصو ساعتين و عالحمام ….

الخلطة رقم (٣)

منحط معلقتين عسل مع بيضة وحده ومع معلقة ونص خل ومنحرك الخليط منيح و منحطو من فروة الراس لأخر الشعر مع تدليك لشعر منيح ومنغطي الراس مدة ساعة وحده بس … وعالحمام ….

الخلطة رقم (٤)

منهرس قرن موز واحد مع معلقتين عسل و٣ معالق لبن او زبادي ومنحرك المزيج ليصير متل شكل البودي لوشن ومنمسح الشعر كلو من الجذور للأطراف مدة ساعة ونص لساعتين … و عالحمام

صبايا فيكن تستعملو هالوصفات مرة بالأسبوع عشان ما تشعرو بالملل وكل أسبوع اختارو خلطة و عملوها سدقوني بحياتكن ما بقا بتعانو من الشعر الباهت أو المقصف  … و دعولي

تعليق واحد

  1. يعطيكي العافية شو فائدة وصفة الافاكادو