fbpx

أساسيات الرياضة 2

بونسوار الصحة و الرشاقة ??‍♀️ :
من بعد بوست النظام الغذائي صار عنا فكرة عن الأساسيات لحتى نبلش سبورت صح

* أما اليوم موضوعنا عن المبتدئين بالرياضة للصبايا يلي مابعمرن لعبو سبورت أو يلي صرلن مدة زمنية منيحة ما لعبو فيها رياضة

* كيف منبلش?  الجواب هو كالتالي :
تمارين الرياضة أنواع >>
 زومبا  – رقص – سباحة – يوغا
تمارين مقاومة-كارديو
سواء كان بدك تنحفي أو تسمني لازم أول خطوة تعمليها هي إنك أول شهر تحرقي الدهون الموجودة عندك ومشان يصير عندك لياقة بدنية 
طبيعي جداً أول شهر تنحفي بالعكس بكون شغلك صح لحتى تبلشي من بعد هالشهر تبني عضل وتسمني أو تكملي نحف أو تشدي من دون دهن

* كيف رح يكون جدولك بالتمارين هالشهر ؟؟

* كالتالي⬇️⬇️

  1.  رح تلعبي تمارين مقاومة يلي هي الأثقال وأجهزة الحديد لكل جسمك يعني بتلعبي ع أجهزة البطن والأرجل والمعدة والخواصر والصدر والخلفية … بأقل وزن

صبايا لاتتحمسو فوراً وتقولو قادرين لا أوعاكن 
بوزن خفيف بلشو و١٢ مرة ع كل جهاز حديد 
تمام لهون ؟؟ تمام???

2. رح تلعبي كمان تمارين كارديو  
شو هي تمارين الكارديو: هي التمارين الهوائية يلي بترفع مستوى نبضات القلب وبتحرق دهون 
تمارين الكارديو هنن تمارين جهاز المشي -جهاز الغزالة-مشي-ركض-هرولة-سباحة-جهاز الدرج-جهاز البسكليت

الجدول  :
بتلعبي يومين بالأسبوع مقاومة(يعني حديد )
 والخمس إيام الباقين كارديو
مثلاً ⬇️
•السبت بلشي بتمارين المقاومة طبعااااااً بأوزان خفيفة متل ماشرحت فوق و ١٢ عدة
•الأحد جهاز غزالة
•الأثنين تمارين مقاومة
•التلاتا جهاز مشي + تمارين معدة
•الأربعا كارديو جهاز الدراجة مثلاً
•الخميس زومبا أو يوغا أو سباحة أو أي جهاز كارديو

و هييييك لآخر الشهر بتكونو حرقتو الدهون وصارت عندكن لياقة لتقدو تبلشو الهدف يلي بتريدوه سواء كان تنحيف أو تسمين وبناء عضل

 •شو مناكل قبل وبعد التمرين؟؟
قبل التمرين تفاحة أو موزة أو أي نوع فاكهة لتعطيكي طاقة
بعد التمرين بتاكلي كمان فاكهة وبعد ساعتين بتاكلي وجبتك

•ضروري شرب الماء قبل وأثناء التمرين خدي معك قنينة مي
•مدة التمارين ٣/٤ الساعة إلى ساعة 

•وضروري جداً قبل ما تبلشي أي تمارين إن كانت كارديو أو مقاومة تعملي تمارين إحماء أول وبعدا بلشو الجدول مدة تمارين الإحماء ٥ دقايق

•وبعد الانتهاء من التمارين كمان ضروري تساوي تمارين إطالة لحتى مايصير عندكن شد عضلي وتخففو الألم عالعضلات  مدة تمارين الإطالة ٥ دقايق

•حطي عاليوتيوب تمارين الإحماء والإطالة وساويهن

•لا تخافو من التعضيل هيدا شي طبيعي بأول شهر 

البوست الجاية رح يكون من بعد ماشرحت عن النظام الغذائي وأول شهر بالنادي للمبتدئين عن مرحلة التسمين والتنحيف 
اضطريت اشرح من الصفر لحتى الكل يستفاد ويبلش معنا صح
يلا صبايا كلكن بلشو رياضة لحتى نحافظ ع أجسامنا وصحتنا وتصير أحلى من العارضات?

تابعوني
SOFI

تعليق واحد

  1. غير معرف

    شو منشان المرضعات بصير نعمل ريجيم او شو ؟